र्‍हदयी वसंत फुलताना

खरे तर वसंत यायला अजून पुष्कळ अवकाश आहे.
त्यावेळे असते तशी फळांची रेलचेल इतर कोणत्याच काळात नसते
हिरव्या पट्ट्याची पण आतून लालभडक असणी कलिंगडे.
मस्त मखमली बसंती/अबोली रंगाची खरबूजे
फिक्कट पिवळ्या रंगाचे अननसाचे काप
हिरव्या गार कैर्‍या
काल एके ठीकाणी फळांची रास पाहिली.
नीट रचून ठेवलेली. रंगीत फळे होते.
धम्मक केशरी रंगाची संत्री
पिवळी जर्द केळी
फिकट गुलाबी लालसर सफरचंदे
लालभडक सफरचंदे
हिरवी टप्पोरी द्राक्षे
फिक्के पोपटी आवळे
मातकट चिक्कू
लालभडक डाळिंबे
जणू काही जमिनीवर असलेले इंद्रधनुष्यच होते.
फळांचा आस्वाद जीव्हेने घेण्यागोदर तो डोळ्यानी घेतला जातो.
तो आस्वाद घेताना डोळे निवत नाहीत तर तोंडाला पाणी आणतात. पोटातला वडवानल पेटवतात.पंचेंद्रीये जागवतात
ही न्यारी किमया आपोआप घडते. कोणी ठरवून करायची म्हंटली तरी करता येणार नाही.
एखाद्या रमणीची बोटे चवळी सारखी नाजूक असतात.
हात काकडी सारखे नितळ असतात.
ओठ संत्र्याच्या फोडी सारखे असतात
गाल सफरचंदासारखे गुलाबी असतात
डोळे बदामासारखे असतात.
स्वभाव तेज तर्रार मिर्ची सारखा असतो.
कुंदकळ्या सारख्या दंतपंक्ती असतात.
त्या रमणीचे हे सारे गुण प्रेमात पडल्यावर जास्त जाणवतात.
म्हणूनच की काय कोण जाणे प्रेमात पडण्याला र्‍हदयी वसंत फुलणे म्हणत असावेत.